ଶୁଭମନ ଗିଲଙ୍କ ନେତୃତ୍ୱରେ ଭାରତ ରଚିଲା ନୂଆ ସଫଳତା
ଲଣ୍ଡନ: ୨୦୨୫ ରେ ଭାରତ ଓ ଇଂଲଣ୍ଡ ମଧ୍ୟରେ ଚାଲିଥିବା ଟେଷ୍ଟ ସିରିଜ କ୍ରିକେଟ ଇତିହାସରେ ଏକ ନୂତନ ସଫଳତା ସୃଷ୍ଟି କରିଛି। ଏହି ସିରିଜ ଅବଧିରେ ମୋଟ ୧୯ଟି ଶତକ ହୋଇଥିବାବେଳେ ଭାରତୀୟ ଦଳ ପକ୍ଷରୁ ଏକାକି ୧୨ଟି ଶତକ ହୋଇଛି, ଯାହା ଏକ ରେକର୍ଡ ମାନି ନିଆଯାଉଛି। ଅଧିନାୟକ ଶୁଭମନ ଗିଲ୍ଙ୍କ ନେତୃତ୍ୱରେ ଦଳ ଏହି ଇତିହାସ ଗଢ଼ିଛି।
ସିରିଜର ୫ମ ଟେଷ୍ଟ ମ୍ୟାଚର ଦ୍ୱିତୀୟ ଇନିଂସରେ ଯଶସ୍ୱୀ ଜୟସ୍ୱାଲ ୧୯ତମ ଶତକ କରି ଏହି ମାଇଲସ୍ଟୋନ୍କୁ ସଂପୂର୍ଣ୍ଣ କରିଥିଲେ। ଏହା ସହିତ ଟିମ୍ ଇଣ୍ଡିଆର ବ୍ୟାଟ୍ସମ୍ୟାନ୍ମାନେ ସିରିଜରେ ବ୍ୟକ୍ତିଗତ ଭାବେ ଅସାଧାରଣ ପ୍ରଦର୍ଶନ କରିଛନ୍ତି। ଶୁଭମନ ଗିଲ୍ ସିରିଜରେ ସର୍ବାଧିକ ୪ଟି ଶତକ କରି ଅଧିନାୟକ ଭାବେ ଦଳକୁ ମଜବୁତ ମୂଲ୍ୟ ଦେଇଛନ୍ତି। ଯଶସ୍ୱୀ ଜୟସ୍ୱାଲ ମଧ୍ୟ ପ୍ରଥମ ଓ ଶେଷ ମ୍ୟାଚରେ ଦୁଇଟି ଶତକ କରି ଦଳକୁ ଏଗିଇ ନେଇଛନ୍ତି।
ତାଙ୍କ ଶେଷ ଶତକ ଦ୍ୱିତୀୟ ଇନିଂସରେ ହୋଇଥିଲା, ଯେଉଁଠି ସେ ୧୬୪ ବଲ୍ରେ ୧୧୮ ରନ କରିଥିଲେ। ଏହି ଟେଷ୍ଟରେ ଏହା ଭାରତ ପକ୍ଷରୁ ଏକମାତ୍ର ଶତକ ଥିଲା। ଭାରତ ୧୨ ଓ ଇଂଲଣ୍ଡ ୭ ଶତକ ସହିତ ଏପର୍ଯ୍ୟନ୍ତ ମିଶିତ ୧୯ ଶତକ ହାସଲ କରିଛନ୍ତି। ଇଂଲଣ୍ଡର ଦ୍ୱିତୀୟ ଇନିଂସ ଏପର୍ଯ୍ୟନ୍ତ ଶେଷ ହୋଇନଥିବାରୁ ଶତକ ସଂଖ୍ୟା ଆଉ ବଢ଼ିପାରେ।
ଏହି ସିରିଜ ସର୍ବାଧିକ ବ୍ୟକ୍ତିଗତ ଶତକ ହୋଇଥିବା ସିରିଜ ମଧ୍ୟରେ ତୃତୀୟ ସ୍ଥାନରେ ରହିଛି। ପୂର୍ବରୁ ଅଷ୍ଟ୍ରେଲିଆ ବିପକ୍ଷରେ ୱେଷ୍ଟଇଣ୍ଡିଜ୍ ୧୯୫୫ ସିରିଜରେ ୨୧ ଏବଂ ୱେଷ୍ଟଇଣ୍ଡିଜ୍ ବନାମ ଦକ୍ଷିଣ ଆଫ୍ରିକା ୨୦୦୩-୦୪ ସିରିଜରେ ୨୦ ଶତକ ହୋଇଥିଲା। ଏହି ରେକର୍ଡ ତାଲିକାରେ ଏବେ ଭାରତ ବନାମ ଇଂଲଣ୍ଡ ସିରିଜ ୨୦୨୫ ତୃତୀୟ ସ୍ଥାନରେ ଅଛି।
ଭାରତ ପାଇଁ ଏହା ପ୍ରଥମ ଥର ଯେଉଁଠି ଗୋଟିଏ ସିରିଜରେ ୧୨ଟି ଶତକ ହାସଲ ହୋଇଛି। ବିଶ୍ୱ କ୍ରିକେଟ ଇତିହାସରେ ଏହି ଘଟଣା କେବଳ ଚାରିଥର ଘଟିଛି, ଯେଉଁଠି ଏକ ଦଳ ଗୋଟିଏ ସିରିଜରେ ୧୨ ଅଧିକ ଶତକ କରିଛି। ଏହି ମଧ୍ୟରେ ଭାରତ ଅଷ୍ଟ୍ରେଲିଆ, ପାକିସ୍ତାନ ଓ ଦକ୍ଷିଣ ଆଫ୍ରିକା ସହ ସମକକ୍ଷ ରେଖାରେ ଆସିଛି।
