ରାହୁଲ ଗାନ୍ଧିଙ୍କ ମାନହାନି ମାମଲା ଉପରେ ଅନ୍ତରୀଣ ରହିତାଦେଶ ଜାରି କଲେ ସୁପ୍ରିମକୋର୍ଟ
ନୂଆଦିଲ୍ଲୀ: ମାନହାନି ମାମଲାରେ କଂଗ୍ରେସ ନେତା ରାହୁଲ ଗାନ୍ଧିଙ୍କୁ ଜାମିନ ପ୍ରଦାନ କରିଛନ୍ତି ସୁପ୍ରିମକୋର୍ଟ। ପରବର୍ତ୍ତୀ ଆଦେଶ ପର୍ଯ୍ୟନ୍ତ ତଳକୋର୍ଟଙ୍କ ନିର୍ଦ୍ଦେଶ ଉପରେ ଅନ୍ତରୀଣ ରହିତାଦେଶ ଜାରି କରିଛନ୍ତି ସର୍ବୋଚ୍ଚ ନ୍ୟାୟାଳୟ । ଜଷ୍ଟିସ୍ ବିକ୍ରମ ନାଥ ଏବଂ ଜଷ୍ଟିସ୍ ସନ୍ଦୀପ ମେହେଟ୍ଟାଙ୍କୁ ନେଇ ଗଠିତ ଖଣ୍ଡପୀଠ ଏହି ମାମଲାକୁ ରଦ୍ଦ କରିବା ପାଇଁ ରାହୁଲ ଗାନ୍ଧୀଙ୍କ ଆବେଦନ ଉପରେ ଝାଡ଼ଖଣ୍ଡ ସରକାର ଏବଂ ଅଭିଯୋଗକାରୀଙ୍କୁ ଜବାବ ମାଗିଛନ୍ତି।
ସୋମବାର ଶୁଣାଣି ସମୟରେ ରାହୁଲ ଗାନ୍ଧୀଙ୍କ ପକ୍ଷରୁ ବରିଷ୍ଠ ଆଇନଜୀବୀ ଅଭିଷେକ ମନୁ ସିଂଘଭି ଦର୍ଶାଇଥିଲେ ଯେ ଏହି ଅଭିଯୋଗ ଏକ ତୃତୀୟ ପକ୍ଷ ଦ୍ୱାରା ଦାୟର କରାଯାଇଥିଲା ଏବଂ ମାନହାନି ଅପରାଧ ମାମଲାରେ ଏହା କରିବା ଅନୁମୋଦିତ ନୁହେଁ। ଯଦି ଆପଣ ପୀଡ଼ିତ ନୁହଁନ୍ତି, ତେବେ ଅଭିଯୋଗ କରିବା ପାଇଁ ପ୍ରୋକ୍ସି କିପରି ପାଇବେ ବୋଲି ସିଂଘଭି ପ୍ରଶ୍ନ କରିଛନ୍ତି।
ଅନ୍ୟପକ୍ଷରେ ମାନହାନି ମାମଲାରେ ରାହୁଲ ଗାନ୍ଧିଙ୍କ ଆବେଦନ ଉପରେ ସୁପ୍ରିମକୋର୍ଟ ଝାଡ଼ଖଣ୍ଡ ସରକାର ଓ ଅଭିଯୋଗକାରୀ ବିଜେପି କର୍ମୀ ନବୀନ ଝାଙ୍କୁ ନୋଟିସ୍ ପଠାଇଛନ୍ତି। ୨୦୧୮ ମାର୍ଚ୍ଚ ୧୮ତାରିଖରେ ରାହୁଲ ଗାନ୍ଧୀ ବିଜେପିକୁ ସମାଲୋଚନା କରି ଭାଷଣ ଦେଇଥିବା ଅଭିଯୋଗ ରହିଛି। ଏହାପରେ ବିଜେପି ନେତା ନବୀନ ଝା ରାହୁଲଙ୍କ ବିରୋଧରେ ଅଭିଯୋଗ କରିବା ପରେ ଏହି ଘଟଣା ସାମ୍ନାକୁ ଆସିଛି। ପ୍ରଥମେ ରାଞ୍ଚିର ଏକ ମାଜିଷ୍ଟ୍ରେଟ୍ କୋର୍ଟ ନବୀନ ଝାଙ୍କ ଅଭିଯୋଗକୁ ଖାରଜ କରିବା ପରେ ସେ ରାଞ୍ଚିର ନ୍ୟାୟିକ କମିଶନରଙ୍କ ନିକଟରେ ରିଭିଜନ ପିଟିସନ ଦାଖଲ କରିଥିଲେ।
ସେପ୍ଟେମ୍ବର ୧୫, ୨୦୧୮ରେ ରାଞ୍ଚିର ବିଚାର ବିଭାଗୀୟ କମିଶନର ଅଭିଯୋଗ ଆବେଦନ ଖାରଜ କରିଥିବା ଆଦେଶକୁ ଉଲ୍ଲଂଘନ ହୋଇଥିବା କହିଥିଲେ । ଏହାପରେ ଏହାକୁ ମାଜିଷ୍ଟ୍ରେଟ ଅଦାଲତକୁ ପଠାଇ ଦେଇଥିଲେ। ବିଚାର ବିଭାଗୀୟ କମିଶନର ମାଜିଷ୍ଟ୍ରେଟଙ୍କୁ ପୁଣି ଥରେ ରେକର୍ଡରେ ଥିବା ପ୍ରମାଣର ସମୀକ୍ଷା କରିଥିଲେ । ଏହାସହ ମାମଲାର ଅଗ୍ରଗତି ପାଇଁ ପ୍ରାଥମିକ ପ୍ରମାଣ ନିର୍ଦ୍ଧାରଣ ସଂକ୍ରାନ୍ତରେ ଏକ ନୂତନ ଆଦେଶ ଜାରି କରିବାକୁ ନିର୍ଦ୍ଦେଶ ଦେଇଛନ୍ତି।
