ପୁରୁଣା ଗାଡ଼ି ବ୍ୟବହାରରେ ସରକାରଙ୍କ ନୂଆ ନିୟମ: ୧୫ ବର୍ଷରୁ ବୃଦ୍ଧି କରାଗଲା ୨୦ ବର୍ଷ
ଭୁବନେଶ୍ୱର: ରାଜ୍ୟ ସରକାର ପକ୍ଷରୁ ଗାଡ଼ି ପରିଚାଳନା ନିୟମରେ ବଡ଼ ପରିବର୍ତ୍ତନ କରାଯାଇଛି। ଏହି ନୂଆ ନିୟମ ଅନୁସାରେ ପୂର୍ବରୁ ୧୫ ବର୍ଷ ପରେ ଯେଉଁଥିରେ ଗାଡ଼ି ପଞ୍ଜୀକରଣ ନବୀକରଣ କରିବା ଆବଶ୍ୟକ ଥିଲା, ସେଥିରେ ବ୍ୟାପକ ସଂଶୋଧନ ଆଣି ୨୦ ବର୍ଷ ପର୍ଯ୍ୟନ୍ତ ଏହି ସୁବିଧା ଦିଆଯାଇଛି।
ପୂର୍ବରୁ ୧୫ ବର୍ଷ ପର୍ଯ୍ୟନ୍ତ ଗାଡ଼ିକୁ ରାସ୍ତାରେ ଚାଳାଇପାରୁଥିଲେ। କିନ୍ତୁ ୧୫ ବର୍ଷ ଶେଷ ହେଲେ ଗାଡ଼ିମାଲିକଙ୍କୁ ପଞ୍ଜୀକରଣ ନବୀକରଣ ପାଇଁ ପରିବହନ ବିଭାଗ ଠାରୁ ଫିଟନେସ ସର୍ଟିଫିକେଟ ନେବାକୁ ପଡ଼ୁଥିଲା। ଏହାରେ ଅତିରିକ୍ତ ଖର୍ଚ୍ଚ, ଶୁଳ୍କ ଓ ଡକ୍ୟୁମେଣ୍ଟସ୍ ସମ୍ବନ୍ଧୀୟ କଟକଣା ଥିବାରୁ ସାଧାରଣ ଲୋକମାନେ ଅସୁବିଧାରେ ପଡ଼ୁଥିଲେ।
ସରକାରଙ୍କ ଏହି ନୂଆ ପଦକ୍ଷେପରୁ ଏବେ ଗାଡ଼ିମାଲିକମାନେ ୨୦ ବର୍ଷ ପର୍ଯ୍ୟନ୍ତ ବିନା ପଞ୍ଜୀକରଣ ନବୀକରଣ ଗାଡ଼ିକୁ ଚାଳାଇପାରିବେ। ଏହାରୁ ସାଧାରଣ ଚାଳକ ଓ କ୍ଷୁଦ୍ର ବ୍ୟବସାୟୀମାନଙ୍କ ପାଇଁ ଏକ ବଡ଼ ସୁବିଧା ହେବା ସହିତ ସେମାନଙ୍କ ଆର୍ଥିକ ଭାର ମଧ୍ୟ କମିବ। ବିଶେଷଜ୍ଞମାନଙ୍କ କହିବା ଅନୁସାରେ, ଏହି ନୂଆ ବ୍ୟବସ୍ଥାରୁ ଗାଡ଼ିମାଲିକଙ୍କୁ ସାହାର୍ଯ୍ୟ ମିଳିଲେ ମଧ୍ୟ, ପୁରୁଣା ଗାଡ଼ିରୁ ବାୟୁ ପ୍ରଦୂଷଣ ବଢ଼ିବାର ସମ୍ଭାବନାକୁ ଅସ୍ୱୀକାର କରାଯାଇପାରିବ ନାହିଁ। ସେଥିପାଇଁ ପରିବହନ ବିଭାଗ ପକ୍ଷରୁ ଫିଟନେସ ଟେଷ୍ଟକୁ ଆଗାମୀ ଦିନରେ ଅଧିକ କଡ଼ା ଭାବରେ ଲାଗୁ କରାଯିବାର ସୂଚନା ମିଳିଛି।
ସାଧାରଣ ଲୋକମାନେ ଏହି ନିଷ୍ପତ୍ତିକୁ ସ୍ୱାଗତ କରିଥିବାବେଳେ, ପରିବେଶପ୍ରେମୀମାନେ ସରକାରଙ୍କୁ ପ୍ରଦୂଷଣ ନିୟନ୍ତ୍ରଣ ପାଇଁ କଡ଼ା ବ୍ୟବସ୍ଥା ନେବାକୁ ଆହ୍ୱାନ କରିଛନ୍ତି।
