କିଭଳି ଜାଣିବେ ପଥୁରି ରୋଗର ଲକ୍ଷଣ ଓ ଏହାର ନିରାକରଣ ସମ୍ବନ୍ଧରେ… ଆସନ୍ତୁ ଜାଣିବା ଡ. ଆଦିତ୍ୟ ପ୍ରସାଦ ପାଢୀଙ୍କ ମୁଖରୁ…
ଆଜିକାଲି ଷ୍ଟୋନ ଡିଜିଜ ବା ପଥୁରି ରୋଗରେ ଅନେକ ଲୋକ ପୀଡିତ ହେଉଛନ୍ତି । ଏହା ବିଶେଷ କରି ମୂତ୍ରନଳୀକୁ ସଂକ୍ରମିତ କରିଥାଏ, ଯେଉଁ କାରଣରୁ କିଡ଼ନୀ ବା ବୃକକ ପାଇଁ କ୍ଷତି ସାବ୍ୟସ୍ତ ହୋଇଥାଏ । ବେଳେବେଳେ ଏହି ରୋଗ ହୋଇଥିଲେ ବି ଆମ ଦେହରେ କୌଣସି ଲକ୍ଷଣ ମଧ୍ୟ ପରିଲକ୍ଷିତ ହୁଏ ନାହିଁ , ଯେଉଁ କାରଣରୁ ଏହା କ୍ରମେ ବୃଦ୍ଧି ପାଇ ଆମ ଶରୀର ପାଇଁ କ୍ଷତି ସାବ୍ୟସ୍ତ ହୁଏ । ଏହାକୁ ଠିକ ସମୟରେ ଚିକିତ୍ସା ନକଲେ କିଡ଼ନୀକୁ ହାନି କରିଥାଏ । ଆଜି ଆମେ ଏହି ରୋଗର ଲକ୍ଷଣ, ସତର୍କତା କିଭଳି ଅବଲମ୍ବନ କରିବା ଓ ଚିକିତ୍ସା ପଦ୍ଧତି ସମ୍ବନ୍ଧରେ ଜାଣିବା ଡ. ଆଦିତ୍ୟ ପ୍ରସାଦ ପାଢୀଙ୍କ ପାଖରୁ…
ପଥୁରୀ ରୋଗର ଲକ୍ଷଣ:ପରିସ୍ରା ସମୟରେ ଜଳା ପୋଡା:- ପରିସ୍ରା କରିବା ସମୟରେ ଷ୍ଟୋନଟି ଅସୁବିଧା ସୃଷ୍ଟି କରିପାରେ। ବେଳେବେଳେ ଲୋକମାନେ ପରିସ୍ରା ସମୟରେ ଯନ୍ତ୍ରଣାକୁ ଅଣଦେଖା କରନ୍ତି କିମ୍ବା ଏହାକୁ ପରିସ୍ରା ସଂକ୍ରମଣ ସହିତ ଜଡିତ କରନ୍ତି । ତେଣୁ ଯଦି ଲକ୍ଷଣଗୁଡିକ ସ୍ଥିର ରହେ ତେବେ ଡାକ୍ତରଙ୍କ ସହିତ ପରାମର୍ଶ କରିବା ଭଲ, ଯାହା ଦ୍ୱାରା ଆପଣଙ୍କର ଅସୁବିଧାର ସଠିକ୍ କାରଣ ଜାଣିବାକୁ ପାଇପାରିବେ।
ପରିସ୍ରାରେ ରକ୍ତ ପଡ଼ିବା :- କିଡନୀ ପଥରର ଏକ ସାଧାରଣ ଲକ୍ଷଣ ହେଉଛି ପରିସ୍ରାରେ ରକ୍ତ, ଯାହାକୁ ହେମାଟୁରିଆ ମଧ୍ୟ କୁହାଯାଏ। ବେଳେବେଳେ ରକ୍ତ କୋଷଗୁଡ଼ିକ ଅତି ଛୋଟ ହୋଇଥାନ୍ତି ବିନା ମାଇକ୍ରୋସ୍କୋପ୍ ଏମାନେ ଦେଖାଯାଆନ୍ତି ନାହିଁ। ଯଦି ଆପଣ ଆପଣଙ୍କର ପେଟ କିମ୍ବା ଅଣ୍ଟାରେ ଯନ୍ତ୍ରଣା ଅନୁଭବ କରୁଛନ୍ତି କିମ୍ବା ପରିସ୍ରା କରିବାରେ ଅସୁବିଧା ଭୋଗୁଛନ୍ତି, ତେବେ ଆପଣଙ୍କୁ ଏକ ପରିସ୍ରା ଟେଷ୍ଟ କରିନେବା ଉଚିତ୍।
ପରିସ୍ରାରୁ ଅତ୍ୟନ୍ତ ଦୁର୍ଗନ୍ଧ ବାହାରିବା :- ସାଧାରଣତଃ ପରିସ୍ରା ପରିଷ୍କାର ଥିଲେ ଏହା ଦୁର୍ଗନ୍ଧ ହୁଏ ନାହିଁ। କିନ୍ତୁ ଯଦି ଆପଣ ପରିସ୍ରା କରିବା ସମୟରେ ଏକ ଅଲଗା ପ୍ରକାର ଗନ୍ଧ ଲକ୍ଷ୍ୟ କରୁଥାନ୍ତି, ଏହା କିଡନୀ କିମ୍ବା ମୂତ୍ରନଳୀ ସଂକ୍ରମଣକୁ ସୂଚାଇପାରେ। ପରିସ୍ରାରେ ଦୁର୍ଗନ୍ଧ ବ୍ୟାକ୍ଟେରିଆରୁ ଆସିପାରେ, ଯାହା ଦ୍ୱାରା ମୂତ୍ରନଳୀ ସଂକ୍ରମଣ ହୁଏ।ପଥୁରି ରୋଗ ବା କିଡ଼ନୀ ଷ୍ଟୋନ ପାଇଁ ସତର୍କତା: -ପ୍ରଚୁର ପାଣି ସେବନ -ପଶୁ ପ୍ରୋଟିନକୁ ସୀମିତ କରିବା-ଚିନି ଏବଂ ସୋଡିୟମରେ ପ୍ରସ୍ତୁତ ଖାଦ୍ୟକୁ ସାମିଲ କରିବା-ଓଜନକୁ ନିୟନ୍ତ୍ରଣ ରଖିବା କିଡ଼ନୀ ଷ୍ଟୋନର ଚିକିତ୍ସା ପଦ୍ଧତି:ଯଦି ଛୋଟ ପଥୁରୀ ଅଛି ତେବେ ତାହା ଆପେ ଆପେ ଯିବାର ସକ୍ଷମ ରଖେ, ନଚେତ ଏହାକୁ ନଜର ରଖି ଔଷଧ ଦ୍ୱାରା ଆପଣଙ୍କୁ ଆରମ୍ଭ ମିଳିପାରିବ । ମାତ୍ର ବଡ ପଥୁରୀ ଥିଲେ ତାର ଲକ୍ଷଣ, ଅବସ୍ଥାନ, ସଂକ୍ରମଣ ଉପରେ ଗୁରୁତ୍ୱ ଦେଇ ଏହାର ଚିକିତ୍ସା ଆରମ୍ଭ କରିଦେବା ଜରୁରୀ ।କିଡ଼ନୀ ଷ୍ଟୋନର ଅନ୍ୟ ଏକ ଅର୍ଥାତ ମହତ୍ଵପୂର୍ଣ୍ଣ ଚିକିତ୍ସା ହେଇଛି ଅସ୍ତ୍ରୋପଚାର । ବର୍ତମାନ ପ୍ରାକୃତିକ ମୂତ୍ରାଶୟ ମାଧ୍ୟମରେ ବିଭିର୍ଣ୍ଣ ଅସ୍ତ୍ରୋପଚାର ଉପଲବ୍ଧ ।
