ପ୍ରେସରକୁକରରେ ଡ଼ାଲି ରାନ୍ଧୁଛନ୍ତି କି? ତେବେ ଜାଣି ରଖନ୍ତୁ ଏହି କଥା
ଡ଼ାଲି ଆମ ପାଇଁ ଅତ୍ୟନ୍ତ ପୁଷ୍ଟିକର ହୋଇଥାଏ , କିନ୍ତୁ ଯଦି ଏହାକୁ ସାବଧାନତାର ସହିତ ରନ୍ଧା ନଯାଏ ତେବେ ଏଥିରେ ଥିବା ପୁଷ୍ଟିକର ପଦାର୍ଥ ନଷ୍ଟ ହୋଇଯାଏ । ବିଶେଷଜ୍ଞଙ୍କ କହିବା ଅନୁସାରେ ପ୍ରେସରକୁକରରେ ଡ଼ାଲି ରାନ୍ଧିବା ଦ୍ୱାରା ଏଥିରେ ଥିବା ଅନେକ ପୋଷକ ତତ୍ତ୍ୱ ନଷ୍ଟ ହୋଇଯାଏ। ଖୋଲା ପାତ୍ରରେ କମ୍ ଆଞ୍ଚରେ ଡ଼ାଲି ରାନ୍ଧିବା ଦ୍ୱାରା ଏହାର ସ୍ୱାଦ ଏବଂ ପୁଷ୍ଟିକରତା ଉଭୟ ଅକ୍ଷୁର୍ଣ୍ଣ ରହିଥାଏ।
ଡ଼ାଲି ପ୍ରେସର କୁକରରେ ଶୀଘ୍ର ସିଝି ଯାଏ, କିନ୍ତୁ ଏଥିରେ ଥିବା ପୃଷ୍ଟିକର ତତ୍ୱ ଉଚ୍ଚ ଚାପ ଦ୍ୱାରା ନଷ୍ଟ ହୋଇଯାଏ। ଏହା ଡାଲିର ପୁଷ୍ଟିକର ମୂଲ୍ୟ ହ୍ରାସ କରେ। ଖୋଲା ପାତ୍ରରେ ଡ଼ାଲି ରାନ୍ଧିବା ଦ୍ୱାରା, ପାଣି ଏବଂ ଡ଼ାଲି ଉଭୟ ଭଲ ଭାବରେ ଫୁଟିଥାଏ, ଯାହା ଫଳରେ ପ୍ରାକୃତିକ ସ୍ୱାଦ ଏବଂ ପୋଷକ ତତ୍ତ୍ୱ ବଜାୟ ରହେ। ଏହା ହଜମ ପାଇଁ ମଧ୍ୟ ଭଲ।
ଏପରି ଡ଼ାଲି ଖାଇବା ଦ୍ୱାରା, ଶରୀରକୁ ପ୍ରୋଟିନ୍, ଆଇରନ, କ୍ୟାଲସିୟମ ଏବଂ ଅନ୍ୟାନ୍ୟ ଆବଶ୍ୟକୀୟ ତତ୍ତ୍ୱ ପୂର୍ଣ୍ଣ ପରିମାଣରେ ମିଳିଥାଏ। ଏହା ଶରୀରର ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବାରେ ସାହାଯ୍ୟ କରେ।
ବିଶେଷଜ୍ଞଙ୍କ କହିବା ଅନୁସାରେ ଖୋଲା ପାତ୍ରରେ ରନ୍ଧା ଡ଼ାଲି ପେଟରେ ହାଲୁକା ରହିଥାଏ ଏବଂ ଗ୍ୟାସ୍, ଏସିଡିଟି କିମ୍ବା ବଦହଜମି ଭଳି ସମସ୍ୟା ସୃଷ୍ଟି କରେ ନାହିଁ। ଖୋଲା ପାତ୍ରରେ କମ୍ ଆଞ୍ଚରେ ରନ୍ଧା ହୋଇଥିବା ଡ଼ାଲିର ସ୍ୱାଦ ଭିନ୍ନ।
ଯଦି ଆପଣ ସୁସ୍ଥ ରହିବାକୁ ଚାହାଁନ୍ତି, ତେବେ ବିଶେଷଜ୍ଞଙ୍କ ପରାମର୍ଶ ପାଳନ କରନ୍ତୁ ଏବଂ ପ୍ରେସର କୁକର ପରିବର୍ତ୍ତେ ଖୋଲା ପାତ୍ରରେ ଡ଼ାଲି ରାନ୍ଧିବା ଅଭ୍ୟାସ କରନ୍ତୁ। ଏଥିରେ କିଛି ସମୟ ଲାଗିବ, କିନ୍ତୁ ଆପଣଙ୍କୁ ସ୍ୱାସ୍ଥ୍ୟ ଏବଂ ସ୍ୱାଦ ଉଭୟର ଲାଭ ମିଳିବ।
