ଏହି ଅଭିନେତା ଅଭିନେତ୍ରୀଙ୍କୁ ସରକାର ଦେଉଛନ୍ତି ଦରମା ଓ ପେନସନ!

ନୂଆଦିଲ୍ଲୀ: ଆପଣ କ’ଣ ଜାଣନ୍ତି ଯେ ଅନେକ ବଲିଉଡ ଅଭିନେତା ଓ ଅଭିନେତ୍ରୀ ଅଛନ୍ତି ଯେଉଁମାନେ କେବଳ ଫିଲ୍ମରୁ ରୋଜଗାର କରନ୍ତି ନାହିଁ, ବରଂ ସରକାରଙ୍କ ଠାରୁ ଦରମା ମଧ୍ୟ ପାଆନ୍ତି। କେତେକଙ୍କୁ ଜୀବନବ୍ୟାପୀ ପେନସନ ମଧ୍ୟ ମିଳେ। ଆସନ୍ତୁ ଆମେ ଆପଣଙ୍କୁ ଏପରି ସେଲିବ୍ରିଟିଙ୍କ ବିଷୟରେ କହିବୁ ଯେଉଁମାନେ ସରକାରଙ୍କ ଠାରୁ ଦରମା କିମ୍ବା ପେନସନ ପାଆନ୍ତି। ସେମାନେ ଏହି ଦରମା କିମ୍ବା ପେନସନ ପାଆନ୍ତି କାରଣ ସେମାନେ କୌଣସି ସରକାରୀ ପଦବୀରେ ଅଛନ୍ତି କିମ୍ବା ରହିସାରିଛନ୍ତି| ତେବେ ଆସନ୍ତୁ ସେହି ଅଭିନେତା ଓ ଅଭିନେତ୍ରୀଙ୍କୁ ଜାଣିବା

ରେଖା:
ବଲିଉଡର ଅଭିନେତ୍ରୀ ରେଖା ଅନେକ ବ୍ଲକବଷ୍ଟର ଫିଲ୍ମ ଦେଇଛନ୍ତି ଏବଂ ସେ ଏବେ ବି ଦର୍ଶକଙ୍କ ହୃଦୟରେ ରାଜ କରନ୍ତି। ଆପଣଙ୍କୁ ଜଣାଇ ଦେଉଛୁ ଯେ ରେଖା ଜଣେ ପୂର୍ବତନ ରାଜ୍ୟସଭା ସାଂସଦ (ନୋମିନିଟେଡ୍)। ରାଜ୍ୟସଭା ସାଂସଦ ଥିବା ସମୟରେ ସେ ସରକାରଙ୍କଠାରୁ ଦରମା ପାଉଥିଲେ, ଏବେ ସେ ସରକାରୀ ପେନସନର ସୁବିଧା ନେଉଛନ୍ତି।

ହେମା ମାଳିନୀ:
ସ୍ୱପ୍ନର ନାୟିକା ହେମା ମାଳିନୀ ଜଣେ ଅଭିନେତ୍ରୀରୁ ରାଜନେତ୍ରୀ ହୋଇଛନ୍ତି। ସେ ମଥୁରାର ବିଜେପି ଲୋକସଭା ସାଂସଦ। ତାଙ୍କୁ ସରକାରଙ୍କଠାରୁ ଦରମା ଏବଂ ଅନେକ ପ୍ରକାରର ଭତ୍ତା ମିଳିଥାଏ।

ସନି ଦେଓଲ:
ସେହିପରି ଅଭିନେତା ସନ୍ନି ଦେଓଲ ତାଙ୍କର ଫିଲ୍ମ ଦ୍ୱାରା ଦର୍ଶକଙ୍କୁ ପାଗଳ କରନ୍ତି। ନିକଟରେ ଅଭିନେତାଙ୍କ ଜାଟ ମୁଭି ମୁକ୍ତିଲାଭ କରିଥିଲା ଯାହାକୁ ଦର୍ଶକଙ୍କଠାରୁ ବହୁତ ଭଲ ପାଇବା ମିଳିଥିଲା। ସନ୍ନି ମଧ୍ୟ ରାଜନୀତିରେ ଯୋଗ ଦେଇଥିଲେ। ସେ ଗୁରଦାସପୁରରୁ ପୂର୍ବତନ ବିଜେପି ଲୋକସଭା ସାଂସଦ । ତାଙ୍କ କାର୍ଯ୍ୟକାଳ ମଧ୍ୟରେ ତାଙ୍କୁ ଦରମା ମିଳୁଥିଲା, ଏବେ ସେ ପେନସନ ପାଇବାକୁ ଯୋଗ୍ୟ।

କିରନ୍ ଖେର:
ବଲିଉଡର ବରିଷ୍ଠ ଅଭିନେତ୍ରୀ ଏବଂ ଅନୁପମ ଖେରଙ୍କ ପତ୍ନୀ କିରନ୍ ଖେର ଚଣ୍ଡିଗଡ଼ରୁ ବିଜେପି ଲୋକସଭା ସାଂସଦ। ସେ ବର୍ତ୍ତମାନ ଲୋକସଭା ସାଂସଦ ଭାବରେ ସରକାରଙ୍କଠାରୁ ଦରମା ନେଉଛନ୍ତି ଏବଂ ଏହା ବ୍ୟତୀତ ସେ ଅନେକ ଭତ୍ତା ମଧ୍ୟ ପାଆନ୍ତି।

ଶତ୍ରୁଘ୍ନ ସିହ୍ନା:
ବଲିଉଡର ସଟଗନ୍ ଅର୍ଥାତ୍ ଶତ୍ରୁଘ୍ନ ସିହ୍ନା ପୂର୍ବତନ ସାଂସଦ (ବିଜେପି/ଟିଏମସି) ରହିସାରିଛନ୍ତି। ସାଂସଦ ଥିବା ସମୟରେ ସେ ଦରମା ପାଉଥିଲେ। ଏବେ ଶତ୍ରୁଘ୍ନ ସିହ୍ନା ପେନସନର ସୁବିଧା ନେଉଛନ୍ତି।

ଜୟା ବଚ୍ଚନ:
ପ୍ରବୀଣ ଅଭିନେତ୍ରୀ ଏବଂ ରାଜନେତା ଜୟା ବଚ୍ଚନ ବର୍ତ୍ତମାନ ସମାଜବାଦୀ ପାର୍ଟିର ରାଜ୍ୟସଭା ସାଂସଦ। ସେ ରାଜ୍ୟସଭାରୁ ଦରମା ଏବଂ ଭତ୍ତା ମଧ୍ୟ ପାଆନ୍ତି।

ରବି କିଶନ:
ରବି କିଶନ କେବଳ ଭୋଜପୁରୀର ସୁପରଷ୍ଟାର ନୁହଁନ୍ତି, ବରଂ ସେ ଏବେ ବଲିଉଡରେ ମଧ୍ୟ ରାଜ କରୁଛନ୍ତି। ସମ୍ପ୍ରତି ଅଜୟ ଦେବଗନଙ୍କ ସହିତ ଅଭିନେତାଙ୍କ ସନ ଅଫ୍ ସର୍ଦ୍ଦାର 2 ମୁକ୍ତିଲାଭ କରିଛି। ଫିଲ୍ମରେ ରବି କିଶନଙ୍କ ଅଭିନୟକୁ ବହୁତ ପ୍ରଶଂସା କରାଯାଉଛି। ଅଭିନୟ ବ୍ୟତୀତ ରବି କିଶନ ରାଜନୀତିରେ ମଧ୍ୟ ପ୍ରବେଶ କରିଛନ୍ତି। ସେ ଗୋରଖପୁରରୁ ବିଜେପି ଲୋକସଭା ସାଂସଦ। ସେ ବର୍ତ୍ତମାନ ସରକାରଙ୍କଠାରୁ ଦରମା ଏବଂ ଭତ୍ତା ପାଆନ୍ତି।

ଦୀପିକା ଚିଖଲିଆ:
ଦୀପିକା ଚିଖଲିଆ ଟିଭିରେ ରାମାୟଣରେ ସୀତା ଭୂମିକାରେ ଅଭିନୟ କରି ସମସ୍ତଙ୍କ ହୃଦୟ ଜିତିଥିଲେ। ଆଜି ମଧ୍ୟ ଲୋକମାନେ ତାଙ୍କୁ ମାତା ସୀତା ପରି ପୂଜା କରନ୍ତି। ଦୀପିକା ସାଙ୍ଗରରୁ ପୂର୍ବତନ ବିଜେପି ସାଂସଦ। ତାଙ୍କ କାର୍ଯ୍ୟକାଳ ମଧ୍ୟରେ ସେ ଦରମା ପାଉଥିଲେ। ଏବେ ସେ ପେନସନ ପାଉଛନ୍ତି |

କଙ୍ଗନା ରାଣାୱତ:
ବଲିଉଡ୍ କୁଇନ୍ କଙ୍ଗନା ରାଣାୱତ ହିମାଚଳ ପ୍ରଦେଶର ମଣ୍ଡିସିଟ୍ ରୁ ବିଜେପି ଲୋକସଭା ସାଂସଦ। କଙ୍ଗନା ରାଣାୱତଙ୍କୁ ସରକାରଙ୍କ ଠାରୁ ଦରମା ମଧ୍ୟ ମିଳିଥାଏ। ଏହା ସହିତ ତାଙ୍କୁ ଅନ୍ୟାନ୍ୟ ଭତ୍ତା ମଧ୍ୟ ଦିଆଯାଏ।