ଟିସିଏସରେ ବଡ ଛଟେଇ ଯୋଜନା: ୧୨,୦୦୦ କର୍ମଚାରୀଙ୍କୁ କରିଦେବ ବିଦା
ଭୁବନେଶ୍ବର: ଦେଶର ସର୍ବବୃହତ ଆଇଟି ସେବା ପ୍ରଦାନକାରୀ କମ୍ପାନୀ ଟାଟା କନସଲଟାନ୍ସି ସର୍ଭିସେସ୍ (TCS)କୁ ନେଇ ଏକ ବଡ ଖବର ସାମ୍ନାକୁ ଆସିଛି | ଚଳିତ ଆର୍ଥିକ ବର୍ଷ ଅର୍ଥାତ୍ ଏପ୍ରିଲ ୨୦୨୫ରୁ ମାର୍ଚ୍ଚ ୨୦୨୬ ମଧ୍ୟରେ କମ୍ପାନୀ ପ୍ରାୟ ୨% କର୍ମଚାରୀ, ଅର୍ଥାତ୍ ୧୨,୦୦୦ ରୁ ଅଧିକ ଲୋକଙ୍କୁ ବିଦା କରିବାକୁ ଯୋଜନା କରିଛି।
ଟିସିଏସ୍ ସିଇଓ କେ.କୃତିବାସନ୍ କହିଛନ୍ତି ଯେ, କମ୍ପାନୀ ଏବେ ବିପୁଳ ଧାରାରେ ବଦଳୁଥିବା ପ୍ରଯୁକ୍ତିବିଦ୍ୟା, ବିଶେଷ କରି AI (କୃତ୍ରିମ ବୁଦ୍ଧିମତ୍ତା) ଓ ନୂତନ କାର୍ଯ୍ୟ ମଡେଲକୁ ଗ୍ରହଣ କରିବା ପାଇଁ ନିଜକୁ ପୁନଃଗଠିତ କରୁଛି। କୃତିବାସନ୍ ଏହା ମଧ୍ୟ କହିଛନ୍ତି ଯେ, କମ୍ପାନୀ ବର୍ତ୍ତମାନ କାମ କରିଥିବା କିଛି ପଦବୀ ଆଗାମୀ ଦିନରେ ଅପ୍ରାସଙ୍ଗିକ ହୋଇପାରିବା ଦୃଷ୍ଟିରେ ଏହି ଛଟେଇ କରିବା ପାଇଁ ନିଷ୍ପତ୍ତି ନିଆଯାଇଛି।
ଏହି ଛଟେଇ ହେଲେ ମଧ୍ୟମ ଓ ବରିଷ୍ଠ ସ୍ତରର କର୍ମଚାରୀମାନେ ସବୁଠୁ ଅଧିକ ପ୍ରଭାବିତ ହେବେ। ଟିସିଏସ୍ କହିଛି ଯେ, ସେମାନେ କର୍ମଚାରୀମାନେ ନୂତନ କୌଶଳ ଅର୍ଜନ କରି ଅନ୍ୟ ପ୍ରକଳ୍ପରେ ନିୟୋଜିତ କରିବାକୁ ଚେଷ୍ଟା କରିଥିଲେ, କିନ୍ତୁ ଏହି ବ୍ୟବସ୍ଥା ସମସ୍ତଙ୍କ ପାଇଁ କାର୍ଯ୍ୟକାରୀ ହୋଇପାରିନଥିଲା।
