ପତ୍ନୀ ଆରତୀଙ୍କୁ ଛାଡ଼ପତ୍ର ଦେବେ କି ବୀରେନ୍ଦ୍ର ସେହଓ୍ୱାଗ?
ନୂଆଦିଲ୍ଲୀ: ପୂର୍ବତନ ଭାରତୀୟ କ୍ରିକେଟର ବୀରେନ୍ଦ୍ର ସେହୱାଗ ଏବଂ ତାଙ୍କ ପତ୍ନୀ ଆରତୀ ଇନଷ୍ଟାଗ୍ରାମରେ ପରସ୍ପରକୁ ଅନଫଲୋ କରିଥିବା ଖବର ସାମ୍ନାକୁ ଆସିଛି। ଜାନୁଆରୀ ୨୩, ଗୁରୁବାର ଏକାଧିକ ରିପୋର୍ଟରେ ଦାବି କରାଯାଇଛି ଯେ ବିବାହର ୨୦ ବର୍ଷ ପରେ ଦୁହେଁ ଛାଡ଼ପତ୍ର ଦେବା ପାଇଁ ଯାଉଛନ୍ତି । କାରଣ ସେମାନେ ଅନେକ ମାସ ଧରି ଅଲଗା ରହୁଛନ୍ତି। ହିନ୍ଦୁସ୍ତାନ ଟାଇମ୍ସ ଅନୁଯାୟୀ, ଏହି ଦମ୍ପତି ନିଜ ଇନଷ୍ଟାଗ୍ରାମ ପ୍ରୋଫାଇଲରେ ପରସ୍ପରକୁ ଫଲୋ କରିବା ମଧ୍ୟ ବନ୍ଦ କରିଦେଇଛନ୍ତି ।
ସେହୱାଗ ଏବଂ ଆରତୀ ୨୦୦୪ରେ ବିବାହ କରିଥିଲେ ଏବଂ ସେମାନଙ୍କର ଦୁଇ ପୁଅ ଆର୍ଯ୍ୟବୀର ଏବଂ ବେଦାନ୍ତ ଅଛନ୍ତି । ଏହି ଦମ୍ପତି ଏପର୍ଯ୍ୟନ୍ତ କୌଣସି ଆନୁଷ୍ଠାନିକ ଘୋଷଣା କରିନାହାଁନ୍ତି କିନ୍ତୁ ସେହୱାଗଙ୍କ ବ୍ୟକ୍ତିଗତ ଜୀବନରେ ସବୁ କିଛି ଠିକ୍ ନାହିଁ ବୋଲି ପ୍ରଶଂସକଙ୍କ ମଧ୍ୟରେ କଳ୍ପନାଜଳ୍ପନା ଜୋର ଧରିଛି ।
ସେହୱାଗ ଭାରତର ଦ୍ୱିତୀୟ ଶ୍ରେଷ୍ଠ ଓପନର ଭାବେ ପରିଗଣିତ ହେଉଛନ୍ତି। ଦିଲ୍ଲୀରେ ଜନ୍ମିତ ଏହି କ୍ରିକେଟର ୧୦୪ ମ୍ୟାଚ୍ (୧୮୦ ଇନିଂସ)ରୁ ୪୯.୩୪ ହାରାହାରିରେ ୨୩ ଶତକ ଓ ୩୨ ଅର୍ଦ୍ଧଶତକ ସହ ୮୫୮୬ ରନ୍ କରିଛନ୍ତି।
ସେ ୮୨.୨୩ ର ଚମତ୍କାର ଷ୍ଟ୍ରାଇକ୍ ରେଟ୍ ହାସଲ କରିଛନ୍ତି ଏବଂ ୨୦୦୪ରେ ମୁଲତାନରେ ପାକିସ୍ତାନ ବିପକ୍ଷରେ ଏହି ଫର୍ମାଟରେ ତ୍ରିଶତକ ହାସଲ କରିବାରେ ପ୍ରଥମ ଭାରତୀୟ ବ୍ୟାଟ୍ସମ୍ୟାନ୍ ହୋଇ ରେକର୍ଡ ବୁକ୍ ରେ ନିଜ ନାମ ଲେଖାଇଛନ୍ତି। ସେ ୨୦୦୮ରେ ଚେନ୍ନାଇରେ ଦକ୍ଷିଣ ଆଫ୍ରିକା ବିପକ୍ଷରେ ଆଉ ଏକ ତ୍ରିଶତକ ହାସଲ କରିଥିଲେ ଏବଂ ଟେଷ୍ଟରେ ଦୁଇଟି ତ୍ରିଶତକ ହାସଲ କରିଥିବା ଖେଳାଳିଙ୍କ ଏଲିଟ୍ ତାଲିକାରେ ସ୍ଥାନ ପାଇଥିଲେ।
ଦିନିକିଆରେ ସେ ୨୫୧ ମ୍ୟାଚ୍ (୨୪୫ ଇନିଂସ)ରୁ ୩୫.୦୫ ହାରାହାରିରେ ୮୨୭୩ ରନ୍ ଏବଂ ୧୫ ଶତକ ଓ ୩୮ ଅର୍ଦ୍ଧଶତକ ସହ ୧୦୪.୩୩ ଷ୍ଟ୍ରାଇକ୍ ରେଟ୍ ରଖିଛନ୍ତି। ସେହୱାଗ ମଧ୍ୟ ୨୦୧୧ ଦିନିକିଆ ବିଶ୍ୱକପ୍ ବିଜୟରେ ଅଂଶଗ୍ରହଣ କରିଥିଲେ ଏବଂ ସେ ତାଙ୍କ ପ୍ରଥମ ବଲ୍ ବାଉଣ୍ଡ୍ରି ରେ ଟୁର୍ଣ୍ଣାମେଣ୍ଟରେ ନିଆଁ ଲଗାଇ ଦେଇଥିଲେ। ସେ ଟି-୨୦ରେ ୨ଟି ଅର୍ଦ୍ଧଶତକ ସହ ୩୯୪ ରନ୍ କରିବା ସହ ୨୦୦୭ ଟି-୨୦ ବିଶ୍ୱକପ ବିଜୟରେ ମଧ୍ୟ ସାମିଲ ହୋଇଥିଲେ। ସଫଳ କ୍ୟାରିୟର ପରେ ସେହୱାଗ ଅକ୍ଟୋବର ୨୦୧୫ରେ ଅବସର ଘୋଷଣା କରିଥିଲେ।
