ପୂର୍ବ ସରକାର ପାଠ ପଢ଼ାକୁ ଗୁରୁତ୍ୱ ଦେଉନଥିଲେ କହି ନବୀନଙ୍କୁ ଟାର୍ଗେଟ କଲେ ମୁଖ୍ୟମନ୍ତ୍ରୀ
ଭୁବନେଶ୍ୱର: ପୂର୍ବ ବିଜେଡି ସରକାର ପ୍ରାଥମିକ ବିଦ୍ୟାଳୟଗୁଡ଼ିକରେ ଭିତ୍ତିଭୂମି ବିକାଶରେ ଅବହେଳା କରିବା ସହ ପର୍ଯ୍ୟାପ୍ତ ମାନବ ସମ୍ବଳ ଯୋଗାଇବାରେ ବିଫଳ ହୋଇଥିବା ଅଭିଯୋଗ କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ।
ଜାତୀୟ ଶିକ୍ଷାନୀତି, ୨୦୨୦ ର କାର୍ଯ୍ୟକାରିତା ଉପରେ ତିନି ଦିନିଆ ଜାତୀୟ କର୍ମଶାଳାର ଉଦଘାଟନ ଅବସରରେ ମୋହନ ମାଝୀ କହିଛନ୍ତି, ଭିତ୍ତିଭୂମି ଓ ମାନବ ସମ୍ବଳ କ୍ଷେତ୍ରରେ ପ୍ରାଥମିକ ଶିକ୍ଷା କ୍ଷେତ୍ରରେ ଆମ ରାଜ୍ୟ ପଛରେ ରହିଛି। ପୂର୍ବ ସରକାର ପ୍ରାଥମିକ ଶିକ୍ଷାକୁ ପ୍ରାଥମିକତା ଦେଇ ନ ଥିବାରୁ ଆଜି ବି ଭିତ୍ତିଭୂମିସୁଦୃଢ଼ କରିବାରେ ବିଫଳ ହୋଇଛୁ। “
ମୋହନ ଆହୁରି କହିଛନ୍ତି ଯେ ତାଙ୍କ ସରକାର ଚଳିତ ଆର୍ଥିକ ବର୍ଷରେ ଶିକ୍ଷା ବଜେଟ ବୃଦ୍ଧି କରିଛନ୍ତି। ନିକଟରେ ୧୬ ହଜାରରୁ ଅଧିକ ଶିକ୍ଷକଙ୍କୁ ନିଯୁକ୍ତି ଦିଆଯାଇଛି ବୋଲି ସେ ସୂଚନା ଦେଇଛନ୍ତି। ରାଜ୍ୟରେ ସ୍କୁଲ ଛାଡ଼ିବା ହାରକୁ ରୋକିବା ପାଇଁ ସରକାର ନେଇଥିବା ପଦକ୍ଷେପ ସମ୍ପର୍କରେ ମଧ୍ୟ ମୁଖ୍ୟମନ୍ତ୍ରୀ ଆଲୋକପାତ କରିଥିଲେ।
ଜାତୀୟ ଶିକ୍ଷା ନୀତି ୨୦୨୦କୁ ପ୍ରଶଂସା କରି ମୋହନ ମାଝୀ କହିଛନ୍ତି, ଏନଇପି ୨୦୨୦ର ମୁଖ୍ୟ ଉଦ୍ଦେଶ୍ୟ ହେଉଛି ଆମ ଦେଶର ଦ୍ରୁତ ବିକାଶର ଆବଶ୍ୟକତାକୁ ପୂରଣ କରିବା । “
ସେ କହିଛନ୍ତି ଯେ ଏନଇପି କାର୍ଯ୍ୟକାରୀ କରିବା ପାଇଁ ତିନି ଦିନିଆ ଜାତୀୟ କର୍ମଶାଳାର ଆୟୋଜନ କରାଯାଇଛି। ଏହି କର୍ମଶାଳାର ମୁଖ୍ୟ ଉଦ୍ଦେଶ୍ୟ ଓଡ଼ିଶାରେ ‘୫+୩+୩+୪’ ଢାଞ୍ଚାର ନୂତନ ବ୍ୟବସ୍ଥା କାର୍ଯ୍ୟକାରୀ କରିବା ବୋଲି ମୁଖ୍ୟମନ୍ତ୍ରୀ କହିଥିଲେ।
ମୋହନ କହିଛନ୍ତି ଯେ ଏହି ବ୍ୟବସ୍ଥାରେ ଶିଶୁ ବାଟିକାରେ ୩ରୁ ୩ ବର୍ଷ ବୟସରୁ ଶିକ୍ଷା ଆରମ୍ଭ ହୋଇଥାଏ। ଅଙ୍ଗନବାଡ଼ି କେନ୍ଦ୍ରରେ ଶିଶୁ ବାଟିକା ୧ ଓ ୨ ଏବଂ ଶିଶୁ ବାଟିକା ୩ ପ୍ରାଥମିକ ବିଦ୍ୟାଳୟରେ କାର୍ଯ୍ୟକାରୀ ହେବ, ତା’ପରେ ଏଥିରେ ପ୍ରଥମ ଓ ଦ୍ବିତୀୟ ଶ୍ରେଣୀ ଅନ୍ତର୍ଭୁକ୍ତ ହେବ ।
