ଦିଲ୍ଲୀର ପୂର୍ବାଞ୍ଚଳ ଭୋଟର ଉପରେ କାହିଁକି ତିନି ପ୍ରମୁଖ ରାଜନୈତିକ ଦଳର ନଜର?

ନୂଆଦିଲ୍ଲୀ: ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲ ଏବଂ ଆମ୍ ଆଦମୀ ପାର୍ଟିର ଶୀର୍ଷ ନେତାମାନେ ଗୁରୁବାର ନିର୍ବାଚନ କମିଶନଙ୍କ ନିକଟରେ ପହଞ୍ଚିଛନ୍ତି। ନୂଆଦିଲ୍ଲୀ ବିଧାନସଭା ନିର୍ବାଚନ ମଣ୍ଡଳୀରେ ଡିସେମ୍ବର ୧୫ରୁ ଜାନୁଆରୀ ୭ ମଧ୍ୟରେ ମାତ୍ର ୨୧ ଦିନ ମଧ୍ୟରେ ୫,୫୦୦ ଭୋଟ୍ କାଟିବା ଏବଂ ୧୩ ହଜାର ନୂଆ ଭୋଟରଙ୍କୁ ଯୋଡ଼ିବା ପାଇଁ ଆବେଦନ କରାଯାଇଛି। ମାତ୍ର ୧ ଲକ୍ଷ ଭୋଟର ଥିବା ବିଧାନସଭାରେ ଏହା ଏକ ଗୁରୁତ୍ୱପୂର୍ଣ୍ଣ ସଂଖ୍ୟା। ହଠାତ୍ ଏତେ ସଂଖ୍ୟକ ଲୋକ କୁଆଡ଼େ ଗଲେ ଓ କେଉଁଠୁ ଆସିଲେ?

ଏହା ସ୍ପଷ୍ଟ ଯେ ବିଜେପି ନକଲି ଭୋଟ୍ ସୃଷ୍ଟି କରିବା ପାଇଁ ୟୁପି ଏବଂ ବିହାରରୁ ଲୋକଙ୍କୁ ଆଣୁଛି। ଅରବିନ୍ଦ କେଜ୍ରିୱାଲଙ୍କ ଏହି ବୟାନକୁ ବିଜେପି ନେତାମାନେ ତୁରନ୍ତ ଜବାବ ଦେଇଛନ୍ତି । ଏହା ପୂର୍ବାଂଚଳୀ ଲୋକଙ୍କ ପ୍ରତି ଅପମାନ ବୋଲି କହିଛି ବିଜେପି। ଏବେ ଏହି ମାମଲା କେବଳ ମୌଖିକ ଲଢ଼େଇ ହୋଇ ରହିନି।

ବିଜେପି ନେତାମାନେ ରାସ୍ତାକୁ ଓହ୍ଲାଇ ଅରବିନ୍ଦ କେଜ୍ରିୱାଲଙ୍କ ବିରୋଧରେ ଅଭିଯାନ ଆରମ୍ଭ କରିଛନ୍ତି। ଅନ୍ୟପକ୍ଷରେ ପୂର୍ବାଂଚଳ ଭୋଟରଙ୍କ ସମସ୍ୟାକୁ ଫାଇଦା ଉଠାଇବାର ଏହା ସମୟ ବୋଲି କଂଗ୍ରେସ ମଧ୍ୟ ଅନୁଭବ କରୁଛି। ତେଣୁ ସେମାନେ ଏହି ପ୍ରସଙ୍ଗରେ ଅଲଗା ଅଲଗା ବ୍ୟାଟିଂ କରୁଛନ୍ତି।

ଗୋଟିଏ ପଟେ ଭାରତୀୟ ଜନତା ପାର୍ଟି ଏହାକୁ ଦିଲ୍ଲୀ ବିଧାନସଭା ନିର୍ବାଚନରେ ଏକ ପ୍ରମୁଖ ପ୍ରସଙ୍ଗ କରିବାକୁ ଚାହୁଁଥିବା ବେଳେ ଅରବିନ୍ଦ କେଜ୍ରିୱାଲ ଦାବି କରିଛନ୍ତି ଯେ ଏହା ଆଦୌ ପ୍ରସଙ୍ଗ ନୁହେଁ। ବିଜେପି ନେତାମାନେ ତାଙ୍କ ବୟାନକୁ ନେଇ ମିଛ କହୁଛନ୍ତି। ଆମ୍ ଆଦମୀ ପାର୍ଟି ସରକାର ପୂର୍ବାଂଚଳବାସୀଙ୍କ ପାଇଁ କାମ କରିଛନ୍ତି, ବସ୍ତି ଅଞ୍ଚଳର ବିକାଶ କରିଛନ୍ତି ଏବଂ ସେମାନଙ୍କୁ ସମ୍ମାନଜନକ ଜୀବନ ପ୍ରଦାନ କରିଛନ୍ତି। ସେପଟେ ବିଜେପି କେବଳ ବିକ୍ଷୋଭ ଓ ଅପମାନରେ ଲିପ୍ତ ରହିଛି ।

ଏବେ ପ୍ରଶ୍ନ ଉଠୁଛି, ଯଦି ଅରବିନ୍ଦ କେଜ୍ରିୱାଲଙ୍କ ପାଇଁ ଏହା ପ୍ରସଙ୍ଗ ନୁହେଁ, ତେବେ ତାଙ୍କୁ କାହିଁକି ସ୍ପଷ୍ଟୀକରଣ ଦେବାକୁ ପଡୁଛି? ଏହାର ଉତ୍ତର ଦିଲ୍ଲୀର ରାଜନୈତିକ ଗଣିତରେ ରହିଛି।

ଦିଲ୍ଲୀର ପ୍ରାୟ ୨୫ ପ୍ରତିଶତ ଭୋଟର ପୂର୍ବାଂଚଳରୁ ଆସିଛନ୍ତି, ଯାହା ପ୍ରାୟ ଦୁଇ ଡଜନ ବିଧାନସଭା ଆସନକୁ ପ୍ରଭାବିତ କରିଥାଏ । ଅର୍ଥାତ୍ ଏହି ଆସନଗୁଡ଼ିକର ଫଳାଫଳରେ ପୂର୍ବାଂଚଳ ଭୋଟରମାନେ ନିର୍ଣ୍ଣାୟକ ଭୂମିକା ଗ୍ରହଣ କରିଥାନ୍ତି, ଯେଉଁଥିପାଇଁ କୌଣସି ରାଜନୈତିକ ଦଳ ନିର୍ବାଚନ ପୂର୍ବରୁ ଏହି ଗୋଷ୍ଠୀକୁ ବିଚ୍ଛିନ୍ନ କରିପାରିବେ ନାହିଁ। ତେଣୁ ପୂର୍ବାଂଚଳ ଭୋଟରଙ୍କୁ ଆକୃଷ୍ଟ କରିବା ପାଇଁ ସେମାନେ ନିଜକୁ ସବୁଠାରୁ ବଡ଼ ଶୁଭେଚ୍ଛୁ ଭାବେ ଉପସ୍ଥାପନ କରିବାକୁ ଚେଷ୍ଟା କରୁଛନ୍ତି।

ଗତ ମାସରେ ସ୍ଥିତି ସମ୍ପୂର୍ଣ୍ଣ ଭିନ୍ନ ଥିଲା। ଶୀତକାଳୀନ ଅଧିବେଶନରେ ଆମ୍ ଆଦମୀ ପାର୍ଟି ପୂର୍ବାଂଚଳ ଭୋଟରଙ୍କୁ ବାଂଲାଦେଶୀ ଓ ରୋହିଙ୍ଗ୍ୟାଙ୍କ ସହ ଜେପି ନଡ୍ଡାଙ୍କ ତୁଳନାକୁ ନେଇ ବିଜେପି ବିରୋଧରେ ଅଭିଯାନ ଆରମ୍ଭ କରିଥିଲା, କିନ୍ତୁ ଏବେ ଅରବିନ୍ଦ କେଜ୍ରିୱାଲଙ୍କ ସଦ୍ୟ ବୟାନ ପରେ ବିଜେପିକୁ ଏହାର ଜବାବ ଦେବାକୁ ସୁଯୋଗ ଦିଆଯାଇଛି। ତେବେ ପୂର୍ବାଂଚଳ ଭୋଟର କେଉଁ ଦାବି ଓ ପ୍ରତିଶ୍ରୁତିରେ ବିଶ୍ୱାସ କରନ୍ତି ତାହା ଦେଖିବାକୁ ବାକି ରହିଲା, ଯାହା ଫେବ୍ରୁଆରି ୮ରେ ପ୍ରକାଶ ପାଇବ ।