ବିସିସିଆଇ ନିଷ୍ପତ୍ତି

ଆଇସିସି ବୈଠକର ତାରିଖ କୁ ଡିସେମ୍ବର ୭ ପର୍ଯ୍ୟନ୍ତ ବୃଦ୍ଧି କରାଯାଇଛି। ଏବେ ଏକ ନୂଆ ଅପଡେଟ୍ ସାମ୍ନାକୁ ଆସିଛି ଯେ ଭାରତ କ୍ରିକେଟ୍ ଖେଳିବାକୁ ପାକିସ୍ତାନ ଯିବ ନାହିଁ ଏବଂ ସେହିଭଳି ପାକ୍ ଦଳ ୨୦୨୭ ପର୍ଯ୍ୟନ୍ତ କୌଣସି ଟୁର୍ଣ୍ଣାମେଣ୍ଟ ଖେଳିବାକୁ ଭାରତ ଆସିବ ନାହିଁ। ଡିସେମ୍ବର ୭ତାରିଖରେ ଏହାର ଆନୁଷ୍ଠାନିକ ଘୋଷଣା ହୋଇପାରେ ବୋଲି ସୂଚନା ମିଳିଛି।

ଏସିଆ କପ୍ ହେଉ କିମ୍ବା କୌଣସି ଆଇସିସି ଇଭେଣ୍ଟ, ୨୦୨୭ ପର୍ଯ୍ୟନ୍ତ ଭାରତ ଓ ପାକିସ୍ତାନ ପରସ୍ପର ସହ ଖେଳିବେ ନାହିଁ।ଟିଓଆଇ ଅନୁଯାୟୀ, ଡିସେମ୍ବର ୭ ରେ ଭାରତ ଏବଂ ପାକିସ୍ତାନ ପାଇଁ ଏହି ହାଇବ୍ରିଡ୍ ମଡେଲ ଘୋଷଣା କରିବା ସମ୍ଭବ । ଏହି ମଡେଲକୁ ୨୦୨୭ ପର୍ଯ୍ୟନ୍ତ କାର୍ଯ୍ୟକାରୀ କରାଯାଇପାରିବ କାରଣ ବର୍ତ୍ତମାନର ଗଣମାଧ୍ୟମ ଅଧିକାର ଆସନ୍ତା ୩ ବର୍ଷ ପର୍ଯ୍ୟନ୍ତ ଜାରି ରହିବ । ଏହା ମଧ୍ୟ ଉଲ୍ଲେଖଯୋଗ୍ୟ ଯେ ଭାରତ ଆସନ୍ତା ବର୍ଷ ମହିଳା ବିଶ୍ୱକପ୍ ଏବଂ ପୁରୁଷ ଏସିଆ କପ୍ ଆୟୋଜନ କରିବାକୁ ଯାଉଛି। ଏହାବ୍ୟତୀତ ଭାରତ ଓ ଶ୍ରୀଲଙ୍କା ମଧ୍ୟ ୨୦୨୬ ଟି-୨୦ ବିଶ୍ୱକପ୍ ଏକାଠି ଆୟୋଜନ କରିବାକୁ ଯାଉଛନ୍ତି। ଏହି ସବୁ ଟୁର୍ଣ୍ଣାମେଣ୍ଟ ପାଇଁ ପାକିସ୍ତାନ ଦଳ ଭାରତରେ ନିଜର ମ୍ୟାଚ୍ ଖେଳିବ ନାହିଁ।

ଜୟ ଶାହା ଦୁବାଇସ୍ଥିତ ଆଇସିସି ମୁଖ୍ୟାଳୟକୁ ପ୍ରଥମ ଥର ପାଇଁ ଗସ୍ତ କରିଥିଲେ, ଯେଉଁଠାରେ ସେ ଷ୍ଟାଫ୍ ସଦସ୍ୟ, ବୋର୍ଡ ଅଫ୍ ଡାଇରେକ୍ଟରଏବଂ ମିଡିଆ ରାଇଟ୍ସ ପାର୍ଟନରଙ୍କୁ ଭେଟିଥିଲେ। ପ୍ରଥମ ଦିନକୁ ସ୍ମରଣୀୟ କରିଥିବାରୁ ସେ କର୍ମଚାରୀ ଓ ନିର୍ଦ୍ଦେଶକ ମଣ୍ଡଳୀ ସମେତ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି। ଭବିଷ୍ୟତ ପାଇଁ ସେ ଏକ ରୋଡମ୍ୟାପ୍ ପ୍ରସ୍ତୁତ କରିଛନ୍ତି ବୋଲି ଶାହା କହିଛନ୍ତି।