ବିଦେଶରେ ସୁନ୍ଦରତା ପଡିଲା ମହଙ୍ଗା: ଗଜରା ପାଇଁ ମାଲାୟାଲାମ ଅଭିନେତ୍ରୀଙ୍କୁ ଦେବାକୁ ପଡିଲା ୧ ଲକ୍ଷ ଟଙ୍କା

ଅଷ୍ଟ୍ରେଲିଆର ମେଲବର୍ଣ୍ଣ ବିମାନବନ୍ଦରରେ ମଲ୍ଲି ଫୁଲ ରଖିଥିବା ଅଭିଯୋଗରେ ମାଲାୟଲମ ଅଭିନେତ୍ରୀ ନଭ୍ୟ ନାୟାରଙ୍କୁ ୧ ଲକ୍ଷ ଟଙ୍କାରୁ ଅଧିକ ଜରିମାନା ଦେବାକୁ ପଡିଛି। କୁହାଯାଉଛି ଯେ ଅଭିନେତ୍ରୀ ତାଙ୍କ ବ୍ୟାଗରେ ମଲ୍ଲି ଫୁଲରେ ତିଆରି ଏକ ଗଜରା ଧରି ଆସୁଥିଲେ। ବିମାନବନ୍ଦର ଅଧିକାରୀମାନେ ଏହାକୁ ‘ଜୈବ ସୁରକ୍ଷା ଆଇନର ଉଲ୍ଲଂଘନ’ ବୋଲି ବିବେଚନା କରି ତାଙ୍କ ଉପରେ ୧୯୮୦ ଅଷ୍ଟ୍ରେଲୀୟ ଡଲାର (ପ୍ରାୟ ୧.୧୪ ଲକ୍ଷ ଟଙ୍କା) ଜରିମାନା ଲଗାଇଛନ୍ତି।

ରିପୋର୍ଟ ଅନୁଯାୟୀ , ନଭ୍ୟା ନାୟାର ସମ୍ପ୍ରତି ଓନମ୍ ଉତ୍ସବରେ ଯୋଗଦେବା ପାଇଁ ଅଷ୍ଟ୍ରେଲିଆ ଯାଇଥିଲେ। ଏହି ଓନମ୍ ଉତ୍ସବ ଭିକ୍ଟୋରିଆ ମାଲାୟାଲି ଆସୋସିଏସନ୍ ଦ୍ୱାରା ଆୟୋଜିତ ହୋଇଥିଲା। ଯେଉଁଠାରୁ ତାଙ୍କୁ ନିମନ୍ତ୍ରଣ କରାଯାଇଥିଲା। ସେ ସେହି କାର୍ଯ୍ୟକ୍ରମ ସମୟରେ ସମ୍ପୂର୍ଣ୍ଣ ଘଟଣା ବିଷୟରେ ଉଲ୍ଲେଖ କରିଥିଲେ।

ରିପୋର୍ଟ ଅନୁସାରେ, ନଭ୍ୟା କହିଥିଲେ ଯେ ତାଙ୍କ ବାପା ତାଙ୍କ ପାଇଁ ଦୁଇଟି ଗଜରା କିଣିଥିଲେ। ସେ ଗୋଟିଏ ଗଜରା ପିନ୍ଧିଥିଲେ ଏବଂ ଅନ୍ୟଟି ତାଙ୍କ ବ୍ୟାଗରେ ରଖିଥିଲେ। ତେଣୁ, ଏହି ଫୁଲଗୁଡ଼ିକ ବିଷୟରେ ସୂଚନା ନ ଦେବା ପାଇଁ ତାଙ୍କୁ ବିମାନବନ୍ଦରରେ ଅଟକାଯାଇଥିଲା। ସେ କହିଥିଲେ ଯେ ଏହା ତାଙ୍କର ଭୁଲ ଥିଲା, ଯଦିଓ ଏହା ଜାଣିଶୁଣି କରାଯାଇ ନଥିଲା। ସେ ଏହା ମଧ୍ୟ କହିଥିଲେ ଯେ ତାଙ୍କୁ ଏହି ରାଶି 28 ଦିନ ମଧ୍ୟରେ ଜମା କରିବାକୁ ପଡିବ।