ଅଗ୍ନିବୀରଙ୍କୁ ମିଳିବ ସ୍ଥାୟୀ ନିଯୁକ୍ତି

ଦୀର୍ଘ ଦିନ ଧରି ଅଗ୍ନିବୀର ଯୋଜନାରେ ଉନ୍ନତି ଆଣିବା ପାଇଁ କେନ୍ଦ୍ର ସରକାର ବିଚାର କରୁଛନ୍ତି। ବର୍ତ୍ତମାନ ପ୍ରତିରକ୍ଷା ମନ୍ତ୍ରଣାଳୟ ମଧ୍ୟ ଏହି ବିଷୟରେ ନୂତନ ନିୟମ ପ୍ରସ୍ତୁତ କରିବାର ପ୍ରକ୍ରିୟା ଆରମ୍ଭ କରିଛି। ଭାରତୀୟ ସେନା, ନୌସେନା ଏବଂ ବାୟୁସେନାର ପ୍ରଥମ ବ୍ୟାଚ ଅଗ୍ନିବୀର ୨୦୨୬ ମସିହାରେ ବିଦାୟ ହେବାକୁ ଯାଉଛି।

ତିନି ସୈନ୍ୟବାହିନୀରେ ଚାରି ବର୍ଷ କାର୍ଯ୍ୟକାଳ ଶେଷ କରିବା ପରେ ସମସ୍ତ ସୈନିକଙ୍କୁ ମୁକ୍ତ କରାଯିବ ଏବଂ ତା’ପରେ ସେମାନଙ୍କ ମଧ୍ୟରୁ ୨୫ ପ୍ରତିଶତ ସ୍ଥାୟୀ ଚାକିରି ଦିଆଯିବ। ଏଥିରେ ଖାଲି ପଦବୀ ଅନୁଯାୟୀ ଅଗ୍ନିବୀରଙ୍କୁ ସ୍ଥାୟୀ ନିଯୁକ୍ତି କରାଯିବ।ଅଗ୍ନିବୀର ଯୋଜନା ଅଧୀନରେ, ଚାରି ବର୍ଷ ମଧ୍ୟରେ ଦିଆଯାଇଥିବା ସେବା ଆଧାରରେ ଯୋଗ୍ୟ ବିବେଚିତ ହୋଇଥିବା ସୈନିକମାନଙ୍କୁ ସ୍ଥାୟୀ ନିଯୁକ୍ତି ପାଇଁ ଡକାଯିବ। ତଥାପି, ଏଥିପାଇଁ କୌଣସି ପ୍ରକାରର ପୃଥକ ପରୀକ୍ଷା ଦେବାକୁ ପଡିବ ନାହିଁ । କୁହାଯାଉଛି ଯେ ଏପରି ଅନେକ ଅଗ୍ନିବୀର ରହିବେ ଯେଉଁମାନେ ପୁନର୍ବାର ଏହି କାମ କରିବାକୁ ଇଚ୍ଛା କରିବେ ନାହିଁ, ଏପରି ପରିସ୍ଥିତିରେ ଏକ ପ୍ରତୀକ୍ଷା ତାଲିକା ବା ଓ୍ବେଟିଂ ଲିଷ୍ଟ ମଧ୍ୟ ଜାରି କରାଯିବ।